Durante o Curso 2013/14 o alumnado de 4º de ESO está traballando sobre as Impresoras 3D nas materias de Informática, Tecnoloxía e Educación Plástica e Visual. Na materia de Informática o alumnado documentouse sobre as Impresoras 3D e creou presentacións, das que destacaremos os traballos feitos por:
Minia Grobas e Cristina Barbazán:
Adrián Pereira:
Unha impresora solar 3D que funde area para crear obxectos de vidro.
A impresora concentra e manipula os raios solares e os proxecta sobre un montón de area que se derrite baixo a intensidade do calor; capa a capa a area vaise convertindo en vidro. O resultado final é un obxecto sólido feito a partir de area.
O prototipo foi creado polo deseñador industrial Markus Kayser, segundo nos contan desde Microsiervos en RTVE.
Un novo reto no emprego das enerxías renovables, o control e a impresión 3D, que sin dúbida chamará a atención dos futuros enxeñeiros e deseñadores industriais das aulas do noso centro.
Estes días coñecimos que no IES de Ames, o departamento de Tecnoloxía estivo traballando na montaxe e posta en marcha dunha impresora en 3D nunha colaboración co grupo CIMA da Escola de Enxeñería Mecánica da Universidade de Vigo.
Esta colaboración ten como obxectivo fundamental a construción dunha maqueta da estrutura mecánica do detector calorímetro CALIFA do experimento R3B para o centro de investigación en física nuclear FAIR en Alemania.
Para máis información podes consultar a nova:
O 2013 é o ano da consolidación das impresoras 3D, que se están convertindo nunha revolución que cambiará moitas cousas no futuro.
Unha impresora 3D é unha máquina capaz de realizar “impresións” de deseños en tres dimensións creando maquetas ou pezas volumétricas a partir dun deseño feito por ordenador. Xorden coa idea de convertir arquivos CAD en prototipos reais. Funcionan cun sistema de control programado mediante un ordenador.
http://www.blogcdn.com/es.engadget.com/media/2012/09/09-20-2012form-1-on-desk00-1348689824.jpeg
As impresoras 3D ofrecen precisión e bríndannos a posibilidade de reproducir obxectos manufacturados sen ter que transportalos físicamente, algo que non deixa de ser unha especie de substituto do teletransporte.
As impresoras poden ser de adición, se por inxección de polímeros este material se añade por capas, ou de compactación, nas que unha masa de po se compacta mediante unha tinta aglomerante ou por láser. O que comezou como unha tecnoloxía para imprimir pequenos obxectos de plástico a partir dun arquivo tridimensional está comezando a saltar a outros ámbitos tan aparentemente lonxanos como a medicina ou a gastronomía.
http://img.xataka.com/2013/03/2013_03_04_Impresi%C3%B3n3D2.jpg
http://img.xataka.com/2013/03/2013_03_04_Impresi%C3%B3n3D4.jpg
¿Descargaremos nuns anos os mobles de Ikea á nosa impresora 3D? Non o sabemos, pero xa se está empregando a impresión de prótesis e de células embrionarias, un avance desenrolado pola Universidade Heriot Watt de Edimburgo.
A pesar de todas as vantaxes deste invento, neste momento o prezo das impresoras 3D está baixando tanto de prezo que por menos de 1000 euros podemos ter unha na nosa casa. Nun principio poderíamos dicir que é algo positivo, pero saltaron tódalas alarmas cando un estudante estadounidense de 25 anos conseguiu reproducir unha pistola en impresoras 3D. A arma chámase Liberator.
E vos, que pensades acerca das impresoras 3D? Que outros usos innovadores lle daríades? Que opinades acerca de Liberator? Se atopades máis información acerca das impresoras 3D comentádeo.
Fontes de información:
Post elaborado por : Paloma Mas Serrano, alumna de 4º A
