Acerca de luz

Profesora de Tecnoloxía do IES de Brión

LuminísTICas

LuminísTICas é un novo proxecto de visibilización de mulleres TIC galegas e/ou que desenvolven a súa actividade profesional en Galicia, realizado por alumnado de TIC I do Bacharelato Científico- Tecnolóxico e de 4º ESO de Ed. Plástica, Visual e Audiovisual do IES de Brión para a participación da 3ª edición de Wisibilízalas.

luminísTICas

Todas elas, brillantes mulleres do ámbito TIC en Galicia, ademais da súa actividade profesional, participan activamente en proxectos de divulgación de mulleres na Ciencia e nas TIC tales como AMIT Galicia, GalsTech e ICT Go girls.

Grazas a Sonia Lois, Miriam Pena, Eva Cernadas, Natalia Costas, Laura Castro, Ana Cidre, María Saez, Carmen Cotelo, Mercedes Rodríguez.

luminísticas_mulleres


BrionXbot

O proxecto Brionxbot resultou gañador do 1º premIo do Desafío Programación da categoría senior no Premio de innovación educativa “Desafíos STEM: Programación, robótica e impresión 3D convocado pola Consellería de Cultura, Educacion e O. U. Accede á nova na web do centro.

Este proxecto resultou gañador do 1º premio no concurso “Sensores 2018″ que convoca Igaciencia e que conta co patrocinio do Concello da Coruña. Accede á nova na web do centro.

Este proxecto foi presentado publicamente na Maker Faire Galicia 2018. Accede á nova na web do centro.

brion_x_bot_final_baixaProxecto interdisciplinar dos departamentos de Tecnoloxía e Debuxo realizado no curso 2017/18.

BrionXbot é un robot de seis patas distribuídas en dous trens situados nos costados dun corpo central ou chasis. Cada tren está formado por tres patas articuladas montadas sobre un cegoñal e ancoradas nun eixe fixo. A rotación do motor move estes mecanismos de tal xeito que os extremos das patas describen unha traxectoria cíclica de avance. Está dotado de diversos sensores que nos permiten recoller datos sobre distancias, temperatura, humidade e luminosidade. O Bluetooth e a pantalla LCD permiten ler e graficar os datos obtidos a través dun smartphone ou directamente no robot. Tamén é posible controlar os movementos do robot de modo remoto dende un teléfono móbil vía Bluetooth.

Accede á memoria do proxecto.

Descarga o vídeo do proxecto.

1º PREMIO NO IV CONCURSO DE ROBOTS DA EEI

IV competición de robots

O equipo “Brión 1” de 1º de Bacharelato acadou o 1º premio da súa categoría no IV Concurso de Robots da EEI de Vigo logo dunha reñidísima final con contrincantes de moito nivel.

Outros dous equipos de 4º ESO e 1º de Bacharelato chegaron á final logo de varias mangas das probas de segueliñas e sumo.

A organización da convocatoria otorgou ademáis ao IES de Brión un premio pola cantidade e calidade de equipos participantes no concurso.

Parabéns a todo o alumnado polo seu magnífico traballo!

Ver a nova en GCiencia

Ver a nova en Faro de Vigo

Ver a nova en El correo gallego

Ver a nova en Atlántico

Ver a nova no Diario da Universidade de Vigo

Ver a nova na TVG

Vídeo da competición:

IV Competición de robots

O venres, 4 de maio catro grupos do instituto de 4º de ESO e 1º de Bacharelato participan na IV Competición de robots organizada pola Escola de Enxeñería Industrial de Vigo.

No seguinte vídeo podedes ver un resumo da competición do curso pasado.

Preme para descargar o planning da actividade: Planning IV competición Robots.

Os equipos Brión 1 e Brión 2 de 1º de Bacharelato participarán nos tapices 11 e 12 respectivamente.

Os equipos Brión 3 e Brión 4 de 4º  de ESO participarán nos tapices 6 e 7 respectivamente.

 

Rapazas nas TIC

No instituto participamos  no Plan Proxecta ” Mulleres emprendedoras nas TIC”  con varias actividades ao longo do curso. O pasado 26 de abril, participamos no Día Internacional das Nenas nas TIC.
Día Internacional das rapazas nas TIC

A actividade organizada polo CESGA foi un coloquio virtual con Mª José Malmierca presentando a mulleres emprendedoras, investigadoras e tecnólogas galegas no campo das TIC:

  • Ana Cidre. Women Techmaker Lead, organizadora de GDG Vigo e fundadora do grupo GalsTech.
  • María José Durán. Enxeñeira informática e fundadora da tenda online Potingues Verdes.
  • Susana Rey. Enxeñeira en telecomunicacións, Máster en Seguridade da Información e Delegada de Protección de Datos do Grupo Euskaltel (Euskaltel, Telecable, R).
  • Cecilia Grela. Enxeñeira informática, máster en Consultoría en Software Libre e desarrolladora de software en múltiples proxectos de I+D+i (entre outros ICT-Go-Girls!), así como formadora en TIC.

Podes acceder á videoconferencia:

 

Wisibilízalas: 2º Edición

Os departamentos de Tecnoloxía e Ed. PVA participamos novamente 2ª edición de Wisibilízalas, convocatoria do Departamento ETIC da Universidade Pompeu Fabra cos seguintes obxectivos:

  • Xerar reflexión nos institutos sobre a menor visibilidade das mulleres en ciencia e tecnoloxía.
  • Dar visibilidade a mulleres que traballan no ámbito das TIC.
  • Potenciar as referencias femininas no ámbito da ciencia e da tecnoloxía.

A convocatoria consiste na creación dunha páxina web que describa a carreira de mulleres españolas e latinoamericanas contemporáneas que traballen no ámbito das TIC.

O alumnado participa con tres propostas de páxinas web:

“Mujeres TIC gallegas en la educación”: Web na que se visibiliza o papel de catro mulleres que pertencen a diferentes ámbitos da educación (universidade, primaria, secundaria, formación e innovación) e que desenvolven proxectos relacionados coas TIC.

mujeres TIC gallegas en la educaciónWisibilízalas: Mulleres galegas“: Web creada en html5, con recursos gráficos creados por alumnado de EPVA de 4º de ESO, na que se da a coñecer a mulleres referentes nas TIC en Galicia que desenvolven a súa actividade profesional na universidade, na investigación ou na empresa.

Mujeressteam“: Web na que se destaca o perfil de seis mulleres españolas e latinoamericanas relacionadas con áreas STEAM (Ciencia, Tecnoloxía, Enxeñería, Artes e Matemáticas). Na web foron empregados fondos creados por alumnado de EPVA de 4º de ESO.

Mujeres STEAMO alumnado e profesorado participante, queremos expresar o noso agradecemento a todas as mulleres que colaboraron neste proxecto, moi especialmente a Carmen García Mateo, que nos acompañou na tarde do martes 9 de xaneiro no centro para falarnos de mulleres, Tecnoloxía, Ciencia, Universidade e da vida.