O alumnado de Imaxe e Son (2º Bach) súmase á celebración do Día Internacional da Eliminación da Violencia contra a Muller con estes rótulos luminosos.
Papel DIN A4
Como se fai un lapis?
Blender. Modelado 3D, texturas, iluminación, renderizado…
Debuxar no elemento canvas
Accede ao documento de traballo para iniciarse no manexo do elemento canvas de HTML5.
Poderás aprender a facer diferentes figuras xeométricas, iteracións, figuras que perseguen ao rato, imaxes que cambian de cor total ou parcialmente e incluso unha pequena galería de imaxes.
Poliedros con Openscad
Nesta web poderás iniciarte no modelado 3D con Openscad definindo os vértices, arestas e caras de diferentes volumes.
Nesta ocasión traballamos con cinco poliedros regulares (tetraedro, hexaedro, octaedro, dodecaedro e icosaedro) en diferentes posicións, pero se calculas a posición dos vértices poderás modelar todos os poliedros que podas imaxinar.
Mediatriz dun segmento
A mediatriz dun segmento é unha recta que o divide en dous segmentos iguais.
Resulta moi interesante esta outra definición, da que por certo se deriva o procedemento para calculala: A mediatriz dun segmento é o conxunto de puntos que equidistan dos seus extremos.
Bisectriz dun ángulo
A bisectriz dun ángulo é unha recta que o divide en dous ángulos iguais.
Resulta moi interesante esta outra definición, da que por certo se deriva o procedemento para calculala: A bisectriz dun ángulo é o conxunto de puntos que equidistan dos seus lados.
Puntos notables do triángulo
Na seguinte construción dinámica podes ver os catro puntos notables do triángulo.
O incentro ou centro da circunferencia inscrita no triángulo atópase na intersección das bisectrices do ángulos do triángulo. A circunferencia inscrita pasa por tres puntos de tanxencia cos lados do triángulo que se atopan nas respectivas perpendiculares aos lados pasando polo incentro.
O circuncentro ou centro da circunferencia circunscrita atópase na intersección das mediatrices dos lados do triángulo.
O ortocentro atópase na intersección das alturas do triángulo. Nos triángulos obtusángulos estas non se cortan, polo que será preciso prolongalas mediante rectas.
O baricentro ou centro de masas do triángulo atópase na intersección das medianas.
Modifica a posición dos vértices A, B e C para construir diferentes triángulos. Observa as posicións dos distintos puntos notables e saca conclusións.
Constrúe a túa propia cúpula xeodésica
Se queres construír unha cúpula xeodésica de papel podes descargar e imprimir este recortable. Se decides pintala mellor faino antes de nada, logo recorta polas liñas negras, dobra polas liñas grises e pega as solapas.
Para descargar o recortable elixe un tamaño: [Recortable A4] [Recortable A3] |
As cúpulas xeodésicas son unhas estruturas arquitectónicas ideadas por R. Buckminster Fuller. Están formadas por diferentes módulos triangulares. Permiten cubrir grandes vanos con elementos lixeiros. A súa principal característica é a resistencia.
Cando Fuller idea as cúpulas xeodésicas, en realidade levaba tempo traballando sobre o reticulado da esfera coa intención de elaborar mapas nos que os elementos xeográficos resultasen menos distorsionados do que nos mapas convencionais. O fundamento destes mapas e o das cúpulas xeodésicas son exactamente o mesmo.
No IES de Brión construímos un invernadoiro empregando este tipo de estrutura. se queres saber máis sobre este proxecto podes velo aquí.
Se este traballo desperta a túa curiosidade e queres saber algo máis de Buckminster Fuller podedes empezar polo seguinte vídeo.
Bucky Fuller & Spaceship Earth. A short film by Ivorypress. from Ivorypress on Vimeo.