Premio Sensores 2019

O alumnado de 1º de Bacharelato de Tecnoloxía Industrial e Debuxo Técnico, foi premiado no concurso “Sensores 2019” convocado por Igaciencia e patrocinado polo Concello da Coruña. O traballo presentado ao certame foi o resultado do proxecto interdisciplinar “Visor estereoscópico de gráficos vectoriais interactivos”, un visor de figuras, modelos e lugares que nos permite obter unha experiencia inmersiva de realidade virtual empregando o xiroscopio dun dispositivo móbil.

O acto de entrega de premios tivo lugar o pasado xoves 20 de xuño no IES Ramón Menéndez Pidal – Zalaeta da Coruña.no que unha representación do alumnado realizaron unha presentación do proxecto e coñeceron os traballos premiados tanto na convocatoria “Sensores 2019” como en “Inventa en galego” por alumnado de toda Galicia.

O proxecto presentado á convocatoria foi evolucionando ata o final de curso, ampliando o repertorio de gráficos disponibles e creando unha páxina web coas versións para móbil e ordenador á que podes acceder desde a seguinte ligazón: http://iesdebrion.com/proxectos/visor_estereoscopico_interactivo/

Parabéns ao alumnado participante.

Accede a máis información:

Proxectos premiados de Sensores 2019, en Igaciencia.

Entregados os premios de Sensores, no Concello de A Coruña.

BrionXbot

O proxecto Brionxbot resultou gañador do 1º premIo do Desafío Programación da categoría senior no Premio de innovación educativa “Desafíos STEM: Programación, robótica e impresión 3D convocado pola Consellería de Cultura, Educacion e O. U. Accede á nova na web do centro.

Este proxecto resultou gañador do 1º premio no concurso “Sensores 2018″ que convoca Igaciencia e que conta co patrocinio do Concello da Coruña. Accede á nova na web do centro.

Este proxecto foi presentado publicamente na Maker Faire Galicia 2018. Accede á nova na web do centro.

brion_x_bot_final_baixaProxecto interdisciplinar dos departamentos de Tecnoloxía e Debuxo realizado no curso 2017/18.

BrionXbot é un robot de seis patas distribuídas en dous trens situados nos costados dun corpo central ou chasis. Cada tren está formado por tres patas articuladas montadas sobre un cegoñal e ancoradas nun eixe fixo. A rotación do motor move estes mecanismos de tal xeito que os extremos das patas describen unha traxectoria cíclica de avance. Está dotado de diversos sensores que nos permiten recoller datos sobre distancias, temperatura, humidade e luminosidade. O Bluetooth e a pantalla LCD permiten ler e graficar os datos obtidos a través dun smartphone ou directamente no robot. Tamén é posible controlar os movementos do robot de modo remoto dende un teléfono móbil vía Bluetooth.

Accede á memoria do proxecto.

Descarga o vídeo do proxecto.

IV Competición de robots

O venres, 4 de maio catro grupos do instituto de 4º de ESO e 1º de Bacharelato participan na IV Competición de robots organizada pola Escola de Enxeñería Industrial de Vigo.

No seguinte vídeo podedes ver un resumo da competición do curso pasado.

Preme para descargar o planning da actividade: Planning IV competición Robots.

Os equipos Brión 1 e Brión 2 de 1º de Bacharelato participarán nos tapices 11 e 12 respectivamente.

Os equipos Brión 3 e Brión 4 de 4º  de ESO participarán nos tapices 6 e 7 respectivamente.

 

Escornabot

Escornabot é un proxecto libre de robótica educativa aberta para iniciarse no  campo da robótica e da programación.

O robot  leva uns botóns mediante os cales podemos executar diferentes movementos.

Brivoi, escornabot

Vía Escornabot.org

Web do proxecto escornabot, Documentación do proxecto
escornawiki

Documentación:

Documentación de http://orballoprinting.com:

No seguinte vídeo podes ver unha presentación do proxecto:

Save

Vibrobots

Os vibrobots son robots moi simples que se desplazan lentamente con movementos vibratorios construídos a partir de materiais sinxelos: unha pila de botón, o motor vibrador dun móbil, un cepillo de dentes,…. e a túa imaxinación.

vibrobotVía  ikkaro: http://www.ikkaro.com/conctruir%20robot-virabot/

Vía Robotic Lab: http://www.robotic-lab.com/blog/2007/12/22/vibrobot-muy-sencillo/

Algunhas ideas para que deseñes e constrúas o teu vibrobot:


Robots vibrobots sencillos, por Juan Delgado Alonso en youtube

Mini robot araña casero, por Jhoninventor_DIY en youtube
Mini robot casero por El porfe garcía en youtube

Fotosaltóns: Os vibrobots solares

vibrobot

Fotosaltóns por tecnoloxia.org en youtube

Para recuperar os compoñentes do teléfono mobil, podes consultar a entrada:

“Compoñentes reciclables de un teléfono móbil”, do blog Plantando ideas crecen soluciones.

teléfono móbilMemoria: proxecto_vibrobot

 

“Andando o camiño” Primeiro premio no concurso “Deseño de aplicacións informáticas coa ferramenta Scratch”

Alumnado de 1º ESO acada co seu traballo “Andando o camiño” o primeiro premio na modalidade de secundaria no certame “Deseño de aplicacións informáticas coa ferramenta Scratch”.

Este traballo foi realizado na materia de Programación no contexto da convocatoria realizada polo Colexio Profesional de Enxeñería Técnica en Informática de Galicia ligada ao programa “Aprendo programando” do “Plan proxecta“ .

Listaxe de premiados

“Autómatas con capacidade de aprendizaxe” 2º Premio no Desafío STEM

O Proxecto interdisciplinar desenvolvido nas materias de Tecnoloxía Industrial I, TIC I e Debuxo Técnico I e a colaboración de alumnado de Informática de 4º de ESO participa no desafío STEM., obtendo o segundo premiona categoría Smart Industry.





II Competición de robots da EEI

Excelentes resultados do alumnado de Brión na “II Competición de Robots da Escola de Enxeñería Industrial da Universidade de Vigo”, un certame que nesta edición contou coa participación de 157 equipos de toda Galicia e cerca de 900 alumnos e alumnas.

O alumnado de Tecnoloxía Industrial I, Debuxo Técnico I de 1º de Bacharelato e Tecnoloxía e Ed. Plástica e Visual de 4º de ESO participaron na competición programando e modificando os robots básicos.

O robot “Brión 5” acadou a terceira posición na categoría WALL-E Bacharelato, conseguindo o mellor tempo na proba de rastreo.
“Brión 1”, “Brión 3”, “Brión 4” e “Brión 6” acadaron moi bos resultados nos seus respectivos tapices, destacando especialmente na proba de rastreo.

Parabéns a todo o alumnado.

Prensa:

GCiencia: Invasión de robots na Universidade de Vigo

UVigo: Invasión autómata na Escola de Enxeñería Industrial

Faro de Vigo: Lucha de robots sobre tatami

YouTube: Combate de robots na Universidade de Vigo

Código cero: A II Competición de robots da uvigo dobra a cifra de asistencia respecto da anterior.