O alumnado de Tecnoloxía e Enxeñaría I e Debuxo Técnico I desenvolveu un proxecto interdisciplinar consistente no deseño e construción dunha lámpada modular de LEDs.

O proxecto comezou coa valoración de diferentes aproximacións á resolución formal da peza empregando os principios do deseño paramétrico. O alumnado empregou Inkscape e o modelado 3D con Blender para definir a volumetría, os distintos elementos que configuran o módulo e os materiais. En paralelo foise desenvolvendo a montaxe electrónica e de programación que inclúe como elemento principal o control mediante Arduino dunha tira de LEDs, pero tamén sensores de luminosidade, humidade e temperatura.

Os módulos da lámpada que finalmente se construíu cortáronse con láser. Logo de varios ensaios, montouse unha das infinitas configuracións posibles, engadíronse elementos accesorios e se integrou a parte electrónica. A lámpada pódese controlar a través dun smartphone por bluetooth e actualmente dispón de varios programas de iluminación.

O alumando de STEMBACH 23/25, participou nunha sesión de traballo sobre trazados vectoriais e máquinas de control numérico, na que se construíu unha esfera xeodésica de fieltro. Debuxaron os módulos con Geogebra, trataron os trazados con Inkscape e os cortaron en fieltro coa cortadora laser.

Este traballo tomou como referencia o invernadoiro xeodésico construído no centro por alumnado de Tecnoloxía e Debuxo no ano 2011.

O alumnado de Tecnoloxía e Enxeñaría I de Debuxo Técnico I desenvolveron un proxecto interdisciplinar consistente no deseño e construción de bancos de formigón.

Este proxecto enmárcase dentro dun proxecto de ambientalización dos espazos comúns do instituto e no proxecto de centro “Coidemos do noso coidemos de nós”

Para o deseño e elaboración dos trazados empregouse Geogebra e Inkscape.

Para a construción do molde ou encofrado o alumnado empregou, entre outras técnicas, o corte con fresadora CNC.

Para o vaciado en formigón contouse coa colaboración da brigada de obras do Concello de Brión, a quen agradecemos a axuda prestada nesta primeira fase e coa que pretendemos contar para continuar co proxecto.

O alumnado de Debuxo Técnico I (1º Bach) colabora na celebración do Día Internacional da Eliminación da Violencia contra a Muller coa instalación duns discos troquelados coa frase “25 N. O control tamén é violencia”. Estas pezas deseñáronse empregando trazos vectoriais e cortáronse en diferentes materiais coa cortadora láser do Polo Creativo do centro.

O alumando de Tecnoloxía Industrial I e Debuxo Técnico I desenvolveu un proxecto consistente no deseño e construción dunha lámpada modular con estrutura dodecaédrica. Elaboraron os trazados con Geogebra e Inkscape e cortaron o cartón coa fresadora CNC.

Na imaxe tedes resolto o chamado problema de Pothenot para o seguinte caso:

“Determina a posición dunha embarcación que se atopa fronte ás costas galegas de tal xeito que ve os faros de Cabo Vilano e Laxe baixo un ángulo de 75º e os faros de Laxe e O Roncudo baixo un ángulo de 22,5º.“

Lembra que a resolución do problema pasa necesariamente polo trazado dos arcos capaces dos ángulos dados, para os segmentos definidos polos pares de puntos dados.

Neste gráfico interactivo pódese seguir paso a paso o cálculo da verdadeira magnitude dun segmento oblicuo mediante un xiro.

Neste gráfico interactivo pódese seguir paso a paso o cálculo da sección dunha pirámide cun plano oblicuo empregando un cambio de plano vertical.

Neste gráfico interactivo pódese seguir paso a paso o cálculo da sección dun cubo mediante un plano paralelo á liña de terra. A posición particular dos elementos fai que nesta ocasión o plano só corte a tres das catro arestas verticais e a dúas das oito horizontais.

Neste gráfico interactivo pódese seguir paso a paso a construción dun octaedro cunha base sobre o plano horizontal de proxección. O cálculo da cota dos vértices da base superior realízase mediante o abatemento dun dos seus vértices, tendo en conta que o vértice, a súa proxección horizontal e a proxección horizontal dun dos vértices contiguos de cota nula definen un triángulo rectángulo de hipotenusa igual á aresta do octaedro.

Neste gráfico interactivo pódese seguir paso a paso o cálculo da sección e verdadeira magnitude da sección dun cono mediante un plano proxectante horizontal empregando un cambio de plano. Para minimizar posibles erros de trazado obtemos primeiro a VM e logo a proxección vertical da sección.

Neste gráfico interactivo pódese seguir paso a paso o cálculo da verdadeira magnitude da sección dun cono mediante un plano proxectante vertical mediante xeratrices. Para optimizar o trazado obtéñense en primeiro lugar os extremos dos eixes da elipse intersección e logo catro puntos máis da curva.

Neste gráfico interactivo pódese seguir paso a paso o cálculo da intersección dunha recta e un cono recto mediante un plano que pase polo seu vértice. A finalidade de empregar este plano é evitar o trazado de curvas cónicas, xa que a sección deste plano dará como resultado o que chamamos cónicas dexeneradas, neste caso dúas xeratrices.

Neste gráfico interactivo pódese seguir paso a paso o cálculo da verdadeira magnitude da intersección dunha pirámide e unha recta empregando un plano proxectante auxiliar que conten á recta e secciona á pirámide.

Neste gráfico interactivo pódese seguir paso a paso o cálculo da distancia dun punto a unha recta mediante o trazado dun plano perpendicular á recta que pasa polo punto.

Neste gráfico interactivo pódese seguir paso a paso o cálculo da distancia dun punto a un plano mediante unha recta perpendicular ao mesmo que pasa polo punto.

Neste gráfico interactivo pódese seguir paso a paso o procedemento para o cálculo dun segmento homolóxico dun segmento dado e razoamento de cada unha das operacións.

Accede a unha colección en Agueiro con diversos modelos interactivos que che axudarán a comprender ou repasar os distintos sistemas de representación: cónico, axonométrico e diédrico.

Accede a dous recursos interactivos sobre homoloxía e afinidade. Poderás avanzar e retroceder no procedemento de construción elaborado paso a paso para comprender mellor os fundamentos destas transformacións.

Transformación dun cuadrilátero nun cadrado mediante unha homoloxía.

Transformación dun triángulo escaleno nun triángulo equilátero mediante afinidade.

Premendo nas imaxes inferiores podes acceder aos procedementos para o trazado de elipses, parábolas e hipérboles a partir da homoloxía dunha circunferencia segundo esta sexa exterior, tanxente ou secante respecto da liña límite.

Save

Save

Save

Save

Save

Save

Save