Arquivo da categoría: Uncategorized

Construción dun octaedro sobre unha cara

octaedro_sobre_unha_caraNeste gráfico interactivo pódese seguir paso a paso a construción dun octaedro cunha base sobre o plano horizontal de proxección. O cálculo da cota dos vértices da base superior realízase mediante o abatemento dun dos seus vértices, tendo en conta que o vértice, a súa proxección horizontal e a proxección horizontal dun dos vértices contiguos de cota nula definen un triángulo rectángulo de hipotenusa igual á aresta do octaedro.

Intersección dunha recta e un cono

interseccion_recta_e_cono_1Neste gráfico interactivo pódese seguir paso a paso o cálculo da intersección dunha recta e un cono recto mediante un plano que pase polo seu vértice. A finalidade de empregar este plano é evitar o trazado de curvas cónicas, xa que a sección deste plano dará como resultado o que chamamos cónicas dexeneradas, neste caso dúas xeratrices.

Curvas cónicas. Tanxentes

tanxentes_curvas_conicasA través das seguintes imaxes podes acceder aos diferentes casos de rectas tanxentes á elipses, hipérboles e parábolas, por un punto propio, por un punto externo ou segundo unha dirección dada.

1      2       3

4       5       6

7       8       9

Lembra:

  1. A circunferencia focal de foco F1 é o lugar xeométrico dos puntos simétricos do foco F2 respecto das tanxentes á cónica.
  2. A recta definida polo foco F1 e o simético F2′ do foco F2 corta a cónica no punto de tanxencia.
  3. A circunferencia principal é o lugar xeométrico dos puntos medios dos focos da cónica e os seus simétricos respecto das tanxentes á mesma.

TEORÍA PUR ASMR

Selecciono unha serie de programas de entre os publicados por David Cuartielles ao longo do mes de novembro de 2018 baixo o título xenérico de Teoría Pur ASMR. Nestes programas Cuartielles reflexiona sobre deseño, prototipado e outras cuestións relativas á produción de obxectos e produtos en xeral.

Teoría Pur ASMR 001 – Enzo Mari – Autoproyectos

Teoría Pur ASMR 017 – Rudd, Stern & Isensee – Prototipos Low- vs High-Fi

Teoría Pur ASMR 019 – Suchman et al, Mogensen, Boserman & Ricart, Corsín – Prototipos como objetos definidos por la interacción

Teoría Pur ASMR 020 – Resnick, Martin, Berg et al – Manipulativos digitales: nuevos juguetes con los que pensar

Teoría Pur ASMR 015 – Gibson, Norman, Latour, Reas, Fry, Mellis… – Enacción (affordance)

Teoría Pur ASMR 016 – Clarke, Papanek, Packard, London, Haché, Haraway, Ackermann, Sterling – Obsolescencia programada

Accede a Teoria Pur ASMR en Ivoox

Accede aTeoria Pur ASMR en Vimeo

Poliedros regulares con Openscad

poliedros_con_openscadNesta web poderás iniciarte no modelado 3D con Openscad definindo os vértices, arestas e caras de diferentes volumes.

Nesta ocasión traballamos con cinco poliedros regulares (tetraedro, hexaedro, octaedro, dodecaedro e icosaedro) en diferentes posicións, pero se calculas a posición dos vértices poderás modelar todos os poliedros que podas imaxinar.

Perspectiva cónica. Modelo en XD.

conico_interactivo

Preme na imaxe para acceder ao recurso interactivo.

No anterior gráfico interactivo podemos recoñecer os principais elementos do sistema cónico de representación: os planos xeometral, de horizonte, de cadro e de esvaecemento, as liñas de terra e de horizonte, o punto de vista e o punto principal.

Podemos comprobar como a imaxe en perspectiva pode obterse como unha sección da pirámide visual co plano de cadro.

Unha elipse!

Fragmento da película Ágora de Alejandro Amenabar no que Hipatia de Alejandría propón a traxectoria elíptica da terra ao redor do sol. Neste e noutros fragmentos da película aparece o Cono de Apolonio no que podemos apreciar as distintas curvas cónicas.

Save

Save

Save

BrionXbot

brion_x_bot_final_baixaProxecto interdisciplinar dos departamentos de Tecnoloxía e Debuxo realizado no curso 2017/18.

Accede á memoria do proxecto.

Descarga o vídeo do proxecto.

BrionXbot é un robot de seis patas distribuídas en dous trens situados nos costados dun corpo central ou chasis. Cada tren está formado por tres patas articuladas montadas sobre un cigüeñal e ancoradas nun eixe fixo. A rotación do motor move estes mecanismos de tal xeito que os extremos das patas describen unha traxectoria cíclica de avance. Está dotado de diversos sensores que nos permiten recoller datos sobre distancias, temperatura, humidade e luminosidade. O Bluetooth e a pantalla LCD permiten ler e graficar os datos obtidos a través dun smartphone ou directamente no robot. Tamén é posible controlar os movementos do robot de modo remoto dende un teléfono móbil vía Bluetooth.

Este proxecto resultou gañador do 1º premIo do Desafío Programación da categoría senior no Premio de innovación educativa “Desafíos STEM: Programación, robótica e impresión 3D convocado pola Consellería de Cultura, Educacion e O. U. Accede á nova na web do centro.

Este proxecto resultou gañador do 1º premio no concurso “Sensores 2018” que convoca Igaciencia e que conta co patrocinio do Concello da Coruña. Accede á nova na web do centro.

Este proxecto foi presentado publicamente na Maker Faire Galicia 2018. Accede á nova na web do centro.