Eames Shell Chair

Neste documental producido polo propio estudo de Ray e Charles Eames en 1970 pódese ver parte do proceso de deseño e fabricación dunha silla en fibra de vidro e resina de poliester.

O proceso inclúe os estudos de ergonomía, a elaboración de vistas, seccións, patróns, volumes, modelado de matrices e confección de moldes.

Axonométrico. Construción de figuras dadas as súas vistas

Con esta pequena aplicación poderás obter a representación axonométrica-isométrica de figuras a partir das súas vistas. Podes empezar coas figuras de exemplo, pero é moito máis interesante que traballes con outras creadas por ti.

Coa ferramenta “Isometría dun punto” (en verde) indica por orde: a proxección horizontal do punto (planta), a proxección vertical do punto (alzado) e a orixe dos eixes coordenados na axonometría. Crearase así a isometría do vértice escollido. Repite o procedemento para o resto dos vértices da figura. Logo une os vértices con segmentos para definir as arestas.

axo_grella_1Se queres crear unha nova figura sen borrar a anterior desliza o lenzo coa cruceta de desprazamento e crea uns novos eixes e unha retícula para as vistas coa ferramenta “Diédrico, isométrico” (en vermello).

LAB-AP

LAB-AP é un proxecto que ten como obxectivo dar visibilidade a produtos multimedia elaborados polo noso alumnado en diferentes materias, un espazo aberto para difundir as súas primeiras creacións audiovisuais. Publicaremos producións que satisfagan certos estándares de calidade, artísticos e técnicos, e que por diferentes motivos poidan resultar de interese para a comunidade educativa de Brión.
Inauguramos este espazo de proxección con dúas animacións realizadas por alumnado de 2º de Bacharelato na materia de Imaxe e Son o pasado mes de outubro.Se che parece un proxecto interesante, axúdanos a difundilo.

Material para o alumnado de 3º ESO

O seguinte listado de material será de uso habitual en aula para o alumnado de 3º ESO.
Non é preciso estrear material, así pois se tedes parte do material usado podemos empezar con el, e ir repoñendo a medida que sexa necesario.

  • Papel branco tamaño A4 de entre 80 a 90 g/m2
  • Unha carpeta de cartón con gomas ou similar tamaño A4.
  • Tres lapis de grafito de durezas HB, 2B e 4B.
  • Portaminas con mina de 0,5 mm de grosor e dureza HB.
  • Goma branca branda.
  • Afialapis.
  • Unha caixa de lapis de cores de 12 a 24 cores.
  • Unha caixa de rotuladores de punta fina de 10 a 12 cores.
  • Regra numerada de 30 cm, escuadro e cartabón a xogo.
  • Compás.

A carpeta deberá estar identificada co nome do/a alumno/a curso e grupo.

Miranda e os peixes

miranda_e_os_peixes_2“Miranda e os peixes” é unha curta realizada por alumnado de Imaxe e Son a partir dun relato homónimo escrito por Ismael Ramos. Este texto foi galardoado en 2012 co 2º premio na 3ª categoría da modalidade narrativa no IX Certame Literario do Concello de Ames. Participan na adaptación, dirección, produción e realización Marta Fabeiro, Lucía Martínez, Alba Rey, Carmela Vieites, Estefanía Villa e Pablo Villar.

Save

Save

Save

Save

Save