Nos debuxos e construcións que realizo usando Xeometría Dinámica, dun tempo a esta parte, trato de achegarme a cuestións como a complexidade ou a organicidade. As curvas de Bezier, a aplicación recursiva de Macros e os fractáis son estratexias interesantes para achegarse a resultados complexos e orgánicos das que subirei exemplos en vindeiras ocasións, pero nesta primeira entrada, publico un exemplo algo mais sinxelo.
Tratase dunha aproximación a fascinante beleza da xeometría partindo dunha construción bastante antiga, que utilicei moitísimo como primeiro exercicio de achegamento a xeometría dinámica, tanto con rapaces da ESO como con adultos, nas distintas clases que imparto. Na seguinte ligazón da miña web, no punto ¿Qué é a Xeometría Dinámica?, atoparedes un titorial detallado de como debuxala paso a paso que se pode tomar como referencia para facer a construción en calquera programa de Xeometría Dinámica.
Unidades didácticas para Cabri Geomentre II
Moitos anos despois de debuxala por primeira vez, decateime da enorme similitude visual e conceptual que ten a construción cos mandalas e comecei a experimentar de novo con ela substituíndo os lados do triángulo con arcos de circunferencia.
