Cada varios meses, a Biblioteca do IES Xelmírez 1 de Santiago ofrece unha miniexposición. Agora mesmo está exposta nunha vitrina a miña colección de instrumentos de debuxo técnico e manuais de xeometría. Hai unha entrada no propio blogue da biblioteca, pero vouna poñer tamén aquí, con fotos máis nítidas.
Esta é a vitrina. Podedes ver esta imaxe ampliada, na que se distinguen as portadas da maioría dos libros. Os que ocupan o estante superior son bastante antigos. Un exemplo:
Portadilla e lámina de Institutionum elementarium philosophiæ de Andrea de Guevara, editado en 1800 en Venecia
En canto aos instrumentos, o que máis abunda son os compases, variados pero todos de tipo inglés, fabricados en latón e aceiro no século XIX, algún deles a primeiros do XX.
Compás con puntas desmontables, punzón/portaminas e punzón/plumilla
Tiraliñas con mangos tallados en marfil
Regra para o trazado de paralelas
Compas proporcional. As aberturas gardan unha razón proporcional graduable
una maravilla!!