Antía Fernández López é a actual Directora de Servizos e Aplicacións de Gradiant (Centro Tecnolóxico de Telecomunicacións de Galicia).
Biografía
Naceu en Allariz (Ourense).
-Formación
Estudou Enxeñería de Telecomunicación na especialidade de Telemática na Universidade de Vigo.
Incorpórase a Gradiant no 2008 para desenvolver o proxecto de fin de carreira sobre un sistema de xeolocalización e posicionamento do tráfico aéreo en tempo real sobre Google Maps.
Máster Universitario en Enxeñería Telemática, 2009-2010.
Curso de Creación de Empresas de Base Tecnolóxica no EOI (Escola de Organización Industrial), en Madrid, no 2013.
Máster en Administración de Empresas MBA na Escola de Negocios Novacaixagalicia, 2013-2014.
-Vida laboral
A súa vida laboral desenvolveuse en Gradiant desde o 2008.
Entre 2008 e 2011, participou no proxecto Set-Top Box Arantia STB2010, que consiste no desenvolvemento dun decodificador IP. Tamén traballou nun proxecto relacionado con este tema.
Traballou no proxecto RunWithUs da Universidade de Oulu, entre o 2010 e o 2011.
Dende o 2012 participa no proxecto A2Vises, que consiste no deseño e desenvolvemento de aplicacións de análise de vídeo e de xeración de sistemas de xestión e grabación de video orientado a sistemas de vixilancia para unha Smart-City.
Tamén forma parte do proxecto Sístole, un proxecto de cooperación liderado por Inabensa, o cal trata do uso de novas tecnoloxías para obter información precisa sobre ambientes reais a partir de sistemas de posicionamento emerxentes.
Actualmente é a directora da área de Servizos e Aplicacións de Gradiant.
A súa principal liña de investigación céntrase na formación con realidade aumentada relacionada coa medicina, no sector da automoción e no ámbito industrial empregando localización de alta precisión en interiores.
Bibliografía
Perfil en Linkedin
Perfil en Gradiant.org
Palabras clave
Telemática, Enxeñería de Telecomunicación, Gradiant